Акыркы макалалар

Кыздар лицейинде «Алтын күз» майрамы белгиленди

Өткөн жумада З.Нурматова атындагы Жалал-Абад кыздар лицейинин башталгыч класстарында «Алтын күз» майрамы салтанаттуу майрамдалды. Майрамга 1-5-класстар активдүү катышып, жер-жемиштердин, мөмө-жемиштердин көргөзмөсүн уюштуруп, концерттик программа тартуулашты. Балдар түрдүү оюн көрсөтүп, кыздар күз перисинин саркеч кийимдерин кийип чыгышты. Окуучулардын колу менен тартылган сүрөттөргө, плакаттарга, жер-жемиштерден, мөмөлөрдөн жасалган композицияларга жана кыздар кийген күз перисинин кийимдерине конкурс жарыяланып, жеңүүчүлөргө грамоталар берилди. Балдардын эмгектери көрүүчүлөрдү кайдыгер калтырган жок. Лицейдин мүдүрү А.Ш.Султанмуратов окуучулардын, ата-энелердин эмгектерин жогору баалап, аларга ыраазычылык билдирди жана эң жакшы деңгээлде даярданган 4-класстын жамаатына ата-энелерди балдары менен кубанычка бөлөп, бир кой белекке берди.

АЙЗАДА КАСЫМБАЕВА

Сүрөт: Жалал-Абад кыздар лицейи

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...