Акыркы макалалар

Мүмкүнчүлүгү чектелген балдарды баккан адамдарга эмгек акы төлөнөт

Туруктуу багып-тарбиялоого муктаж мүмкүнчүлүгү чектелген балдарды баккан адамдардын эмгегине акы төлөнөт. Мындай токтом Жогорку Кеӊештин Бюджет жана финансы боюнча комитетинин кезектеги отурумунда жактырылды.

Баяндамачы Мирлан Бакировдун айтымында, өлкө аймагында мүмкүнчүлүгү чектелген 172,8 миң адам жашайт, алардын ичинен балдардын саны 29,2 миңге жакын. 6 миңге жакын бала дайыма бөлөк адамдын багуусуна муктаж. Аларды кароого ата-эне, жакын туугандары суткасына 12ден көп саат жумшайт. Бирок, көптөгөн ата-энелер пенсиялык жана медициналык камсыздандыруудан сыртта калууда.

Каржы министрлигинин эсептөөлөрүнө караганда, азыркы жашоо минимуму 4794 сом болсо, аталган токтомду ишке ашыруу үчүн жалпысынан 450-470 млн сом талап кылынат.

Түп нускага шилтеме : maralfm.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...