Акыркы макалалар

"Азаттыктын" “Мен билген Айтматов” сынагы

"Азаттыктын" “Мен билген Айтматов” сынагы

Улуу кыргыз жазуучусу Чыңгыз Айтматов менен тагдыр буйруп, жолугуп маектештиңиз беле? Же чыгармаларын окуп, кинодон көрүп, таасирленгенсизби? Кайсыл каарман же анын тагдыры, мүнөзү айрыкча эсиңизде калды?

“Азаттык” Чыңгыз Айтматов тууралуу эң мыкты дилбаян, сүрөт, видео материалдарга сынак жарыялайт.

Залкар замандашыбыздын бейнесинин белгисиз жактарын баяндаган, анын чыгармаларын, каармандарын жаңыдан ачып бере турган аңгеме (макала, блог), сүрөт, видео жөнөтүп, биздин интернет сайтыбызга жарыялап, коомчулук менен бөлүшүңүз.

Эмгегиңизди 1-июндан 31-октябрга чейин azattyk.synak@gmail.com электрондук дарегине жибере аласыз. Онлайн сынактын жеңүүчүлөрү ноябрда “Азаттыктын” баалуу белектери менен сыйланат.

Сынактын шарттары: Дил баяндар үч беттен ашпашы керек. “Азаттыктын” веб-редакторлору келип түшкөн материалдарды жарыялоо же андан баш тартуу укугун өзүнө калтырат.

Эгерде сизде уникалдуу сүрөттөр болсо жана алар менен бөлүшүүнү кааласаңыз, анда редакциябызга алып келе аласыз. Биздин кызматкерлер сүрөттөрдү сканерден өткөрүп алып, кайра колуңузга карматышат. Дарегибиз: Бишкек шаары, Фурманов көчөсү, 12.

Улуу жазуучу, ойчул Айтматовдун 90 жылдыгына арналган онлайн сынакка катышып, кыргыз калемгеринин өмүр сабактарын, чыгармаларын, кайталангыс каармандарын кайра бир эске салып жайылтууга салым кошуңуз!

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...