Последние публикации

Көчөрбаев: Самара Токтакунова баспаган кызыл килемден кимдер гана баспады

Көчөрбаев: Самара Токтакунова баспаган кызыл килемден кимдер гана баспады

Белгилүү дастанчы Самат Көчөрбаев кыргыздын салттык маданиятына алгылыктуу көңүл бурулбай жаткандыгын айтты.

Самара Токтакунова баспаган кызыл килемден кимдер гана баскан жок! Дүйнөнү багындырган талант ээси да өз мамлекетинен тиешелүү деңгээлде сый көрбөй келет. Мындай пикирин Самат Көчөрбаев Sputnik Кыргызстан радиосунун эфиринде маек куруп жатып билдирди.

Анын айтымында, мамлекеттик идеологиянын жоктугунан жалпы коомчулук улуттун уңгулуу маданиятын унутуп, жеңил-желпи шаан-шөкөткө берилип кетти.

"Биз чыгармачыл адамдар өз көңүлүбүздү көтөрүп ар дайым жакшы нерселерди айтабыз. Өнүгөт, келечекте баары калыбына түшөт дейбиз, бирок мамлекеттик массалык маалымат каражаттарында атайын манасчылыкка же дастанчылыкка арналган долбоорлор жок болсо, өзүң катышайын деп барсаң "сен дастан айтат турбайсыңбы, эки эле мүнөт ырдап кой" деп турушса, кантип маданиятыбызды өнүктүрөбүз? Учурда мамлекет Самара Токтакуновадай болгон таланттарыбызга да жеткиликтүү көңүл бурбай келет. Ал баспаган кызыл килемден жаңы гана микрофон кармаганды үйрөнгөн жаштарды өткөрүп, сыйлап жатышат", — деди Көчөрбаев.

Ал мындай мамиле сыйлык берүү жаатында да болуп жатканын кошумчалады.

Ссылка на оригинал публикации : sputnik.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...