Последние публикации

АКШда ок тийип каза болгон кыргызстандыктын өлүмү иликтенип жатат

Кыргызстандын Тышкы иштер министрлиги АКШнын Чикаго шаарында кыргызстандык жарандын башына тийген октон улам каза тапкандыгын тастыктады.

ТИМ басма сөз кызматы аталган окуя боюнча төмөнкүлөрдү билдирет:

"10-ноябрда Кыргыз Республикасынын жараны, Чикагодо жашап жана иштеп жаткан 1983-жылы туулган Абылбек Ызабековго пицца жеткирип жүргөн учурда кол салуу болуп, ага карата атылган ок башына тийген. Медициналык мекеменин маалыматына ылайык, ал Чикагодогу госпиталдын бирине жандандыруу бөлүмүнө жаткырылып, 11-ноябрда алган жаракатынын кесепетинен улам каза болгон".

Маалыматка ылайык, Ызабековдун өлүмү боюнча иштер Чикагонун тиешелүү кызматтары иликтөө жүргүзүп жатат.

Кыгызстандын АКШдагы элчилигинин өкүлү учурда Чикагодо каза болгон жарандын денесин Кыргызстанга жеткирүү максатында анын жакындары жана АКШнын компоненттүү органдары менен иш алып барып жатышат.

Ссылка на оригинал публикации : www.kabarordo.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...